Skýjaáhugamannasíða

Ég hef lengi gengið með þann draum í maganum að stofna veðurblogg og nú loksins (loksins!) með nýfundnu frelsi hef ég tíma til að koma því í verk. Þetta er að mestu gert fyrir mig sjálfa til að halda utan um skemmtilegar greinar, myndir og fróðleik en ef einhver annar hefur áhuga á þessu er það frábært.

Allt á þessari síðu er á minni ábyrgð og kemur ekki neinum stofnunum við sem ég vinn hjá, hvorki Veðurstofunni, Flugskóla Íslands né RÚV.

Í fyrstu færslunni minni finnst mér tilvalið að benda fólki á uppáhalds skýjasíðuna mína, Cloud Appreciation Society, en þar eru stórkostlegar skýjamyndir. Þeir hafa einnig þróað app (viðbót á íslensku?), CloudSpotter app, þar sem hægt er að taka þátt í leik um að sjá sem flestar skýjategundir þar sem myndir eru teknar af skýjum og tegundin greind. Viðbótin er í samvinnu við NASA sem notar upplýsingarnar til að stilla CERES mælitæki sín sem eru á þremur gervitunglum og mæla skýjamagn á jörðu. Þessi viðbót inniheldur líka góðar lýsingar á helstu skýjategundunum og nokkrum veðurfyrirbærum.

 

 

 

 

 

 

 

 

 

 

 

Bestu kveðjur!

-Birta 

Athugasemdir

[ÞJÓÐARSÁLIN, 24.1.2014 kl. 18:17]

Til hamingju með þetta!

Góð vinkona mín er veðurfræðingur og stundum, þegar hún er þreytt á aðfinnslum þá fær hún vísur.

Nú er veðrið feiknaflott

finn ég ekki nokkurn næðing.

Eins og gaman væri og gott

að geta skammað veðurfræðing

[Birta Líf Kristinsdóttir, 24.1.2014 kl. 18:47]

Haha takk fyrir þetta!

Kveðja Birta

[Thura Gardarsdottir (IP-tala skráð) 27.1.2014 kl. 20:06]

Frábært

[Olla (IP-tala skráð) 27.1.2014 kl. 23:17]

Til lukku með þetta mín kæra. Skýjahorn? :)

[Ágúst H Bjarnason, 28.1.2014 kl. 19:42]

Til hamingju með þessa nýju veðurbloggsíðu!

[Birta Líf Kristinsdóttir, 28.1.2014 kl. 23:15]

Takk fyrir :)

Að sjálfsögðu verður skýjahorn Olla ;)

Kv. B

[Pálmi Freyr Óskarsson, 30.1.2014 kl. 02:28]

Velkominn á Moggabloggið.