Tíðarfar í janúar 2014

Í veðurfréttum í kvöld var ég með stutt yfirlit um tíðarfarið í janúar 2014 en kortin komu ekki nógu vel út þar sem hluti textans datt út fyrir myndina. Hér eru kortin hins vegar óbrengluð.

 

 

 

 

 

 

Það sem helst var óvenjulegt við veðrið í janúar var hversu hlýtt var fyrir austan ásamt mikilli úrkomu. Úrkoman var að mestu rigning en enginn dagur var alhvítur á Dalatanga og m.a.s 28 dagar alauðir þar. Á Akureyri voru hins vegar allir dagar alhvítir en einungis 2 sólskinsstundir voru skráðar þar. Fyrir norðvestan og vestan var hins vegar óvenju úrkomulítið.

Annars má lesa ítarlegri greiningu á veðrinu í janúar í þar til gerðu yfirliti Veðurstofunnar sem er birt eftir hvern mánuð og má lesa hér. 

Athugasemdir

[Óskar J. Sigurðsson (IP-tala skráð) 10.2.2014 kl. 08:29]

Athugasemd við annars skemmtileg kort. 12. jan. mældist mesti meðalvindhraði á Stórhöfða samkv. núgildandi mælireglu Veðurstofu Íslands 39,7 m/s og var sett á kort sem 40 m/s á korti í sjónvarpi skömmu síðar. Nú er sama orðið 39 m/s hjá þér. En samkv. þeirri mælingareglu sem var hér við líði frá 1968 til loka apríl s.l. þá var mesti 10 mín. vindhraði 12. janúar 2014 á Stórhöfða 40,817 m/s.  Með kveðju.

[Birta Líf Kristinsdóttir, 11.2.2014 kl. 20:59]

Sæll Óskar

Ég tók þessar upplýsingar úr gagnagrunni sjálfvirkra stöðva Veðurstofunnar á sunnudaginn. Nú gæti ég hafa lesið vitlaust út úr því eða einfaldlega námundað vitlaust niður. Ég skal athuga það og leiðrétta eftir því.

Bestu kveðjur

Birta